Na NASRA KITANA
TIMU ya Taifa ya Tanzania chini ya miaka 20 ‘Ngorongoro Heroes’ jana imefanikiwa kitinga hatua ya fainali kikabe huku ikifuzu kucheza fainali za Mataifa ya Afrika AFCON U-20 nchini Ghana baada ya kuifunga Burundi mabao 2-0, katika mchezo wa nusu fainali uliochezwa Uwanja wa Uhuru, Dar es Salaam.
Tanzania inakwenda kukutana na Sudan katika mchezo wa fainali itakayochezwa kesho, katika Uwanja wa Uhuru kuanzia saa 12:00 jioni.
Sudan ilifanikiwa kutinga hatua hiyo baada ya kuifunga Uganda mabao 3-2 katika mchezo wa fainali ya kwanza uliochezwa Uwanja wa Uhuru, Dar es Salaam.
Mabao ya Ngorongoro Heroes yalifungwa na Juma Abushiri dakika ya 17 baada ya kupiga shuti kali na mpira kuingia kambani huku Faraj Kayanda akipachika bao la pili katika dakika ya 36 baada kupokea pasi kutoka kwa Juma Abushiri.
Ngorongoro Heroes ilianza kampeni yake ya CECAFA U-20 kwa nguvu baada ya kuifunga Rwanda mabao 3-0 na kuicharaza Ethiopia 4-0 na kumaliza nafasi ya kwanza katika kundi A baada ya kujizolea pointi sita.
Tanzania, ambayo ni bingwa mtetezi wa U-20 katika Ukanda wa CECAFA, ilipangwa kundi A na Ethiopia na Rwanda, huku kundi B likiwa na timu za Uganda, Sudan na Djibouti, wakati kundi C zilikuwemo Sudan Kusini, Kenya na Burundi.
